| 220g gróft lífrænt hnetusmjör frá Rapunzel | |
| 90g bragðlaus kókosolía frá Rapunzel | |
| 100g Cristallino hrásykur | |
| 90g púðursykur | |
| 2 tsk vanilludropar | |
| 130-150ml Oatly haframjólk ikaffe | |
| 200g hveiti | |
| 1 tsk matarsódi | |
| ¼ tsk sjávarsalt | |
| 160g 70% súkkulaði frá Rapunzel |
| 1. | Hitið ofninn í 170°C blástur. Saxið súkkulaðið og klæðið 2 bökunarplötur með bökunarpappír. |
| 2. | Setjið hnetusmjör og kókosolíu í skál og pískið saman. Setjið sykur, vanilludropa og 130ml af haframjólkinni saman við og hrærið. |
| 3. | Sigtið hveitið, matarsódann og saltið yfir og skiptið yfir í sleif og hrærið saman þar til deigið verður samfellt. Ef deigið er of þurrt má setja örlítið í viðbót af haframjólkinni. |
| 4. | Setjið þá súkkulaðið saman við og hrærið þar til allt hefur blandast vel saman. |
| 5. | Setjið deigið á plötuna með ískúlu skeið eða 2 matskeiðum. Bakið klattana í ca. 10 mín, fylgist samt vel með, ofnar geta verið mjög misjafnir. |
| 6. | Ég fékk ca. 30 klatta úr uppskriftinni og þeir þola vel að vera settir í frysti. |
Þessir klattar eru alveg ótrúlega bragðgóðir, einfaldir og fljótlegir. Allt í einni skál, óþarfi að kæla deigið og baksturstíminn er stuttur. Þeir eru vegan og henta því öllum sem forðast dýraafurðir og þeim sem eru annað hvort með mjólkur- eða eggjaofnæmi. Bragðlausa kókosolían frá Rapunzel er ótrúlega fjölhæf og hentar jafn vel í bakstur, hvort sem er smákökur eða annað bakkelsi, hvet ykkur til að prófa hana næst þegar á að baka eitthvað gómsætt.
This site uses Akismet to reduce spam. Learn how your comment data is processed.
Leave a Reply