Hrekkjavöku graskerssúpa með draugalegum brauðstöngum

1 grasker

1 1/2 msk púðursykur

1 laukur

3 hvítlauksrif

2 tsk rautt karrí

1 dl rjómi

2 stk grænmetiskraftur frá Knorr blandað saman við 5 dl heitt vatn

1 dl rjómi

ólífuolía

sítrónusafi

salt og pipar

Skafið úr graskerinu, skerið í teninga og látið í skál ásamt 1/2 dl af ólífuolíu, púðursykri og smá sjávarsalt. Bakið í 180°c heitum ofni í 30 mínútur eða þar til það er farið að mýkjast. Skerið lauk, hvítlauk og epli niður og steikið í olíu. Bætið karrímauki saman við og blandið vel saman. Látið graskerið í blandara ásamt laukblöndunni og grænmetissoði. Blandið þar til allt hefur blandast vel saman. Látið aftur í pottinn og bætið rjóma, sítrónusafa, salti og pipar saman við. Berið fram með daugalegum brauðstöngum.

1 tilbúið pizzadeig

1 egg, léttþeytt

sesamfræ frá Til hamingju

möndlur frá Til hamingju

rauður matarlitur

Skiptið pizzadeiginu í bita og rúllið í brauðstangir. Veltið möndlum upp úr rauðum matarlit og ristið í ofni í 5-10 mínútur. Kælið möndlurnar og stingið þeim í deigið. Penslið brauðstangirnar með eggi og stráið sesamfræjum yfir. Bakið við 180°c heitan ofn í 15-20 mínútur eða þar til þær eru komnar með gylltan lit.