Kjúklingasalat með saltkringlukjúklingi og hunangssósu

2 egg, léttþeytt

500 g kjúklingalundir eða læri, t.d. frá Rose Poultry

1 bolli saltkringlur, muldar

1 tsk chilíduft

1/2 tsk hvítlauksduft

1/2 tsk laukduft

1/2 tsk reykt paprikukrydd

1/4 - 1/2 tsk cayenne pipar

sjávarsalt og svartur pipar

ólífuolía

1 poki blandað salat

2 avacado, skorið

4 beikonsneiðar, eldaðar og muldar niður

250 g kirsuberjatómatar, skornir í tvennt

parmesan ostur

Látið eggin í eina skál og léttþeytið. Veltið kjúklingnum upp úr eggjunum. Látið í aðra skál muldar saltkringlur, chilíduft, hvítlauksduft, laukduft, paprikukrydd, cayenne pipar og smá pipar í skál. Veltið kjúklingnum upp úr blöndunni þar til hann er þakinn saltkringlumulningi. Látið á bökunarplötu og dreypið ólífuolíu yfir hann. Eldið í 20 mínútur við 210°c heitan ofn. Þegar hann er fulleldaður takið úr ofni og látið kólna lítillega. Látið salat í skál, þá tómata, avacado, beikon og parmesan. Setjið að lokum kjúklinginn út á salatið og örlítið af sósu. Berið sósuna með réttinum svo hver geti stjórnað magninu.

60 ml ólífuolía

60 ml hunang

safi úr 1 sítrónu

3 msk Heinz yellow mustard mild

2 msk tahini

2 msk eplaedik

1/2 tsk cayenne pipar

Látið öll hráefnin í krukku og hristið vel saman. Smakkið til með salti og pipar.