Kofta nautaspjót með flatbrauði, hummus og fetaostasósu

2 pakkar nautaspjót, frá Norðlenska

1 agúrka, skorin niður

1 rauðlaukur, sneiddur þunnt

steinselja, söxuð smátt

Flatbrauð/naan

Setjið olíu á pönnu og steikið/grillið nautaspjótin í 4-5 mínútur á hvorri hlið. Hitið brauðið. Látið hummus á brauðið, þá kál og grænmeti og síðan nautaspjótin. Látið fetaostasósuna yfir kjötið og berið fram.

2 dósir kjúklingabaunir

60 ml sítrónusafi

60 ml sesammauk/tahini, hrært þar til mjúkt

2 hvítlauksrif, gróflega söxuð

1/4 tsk cumin (ekki kúmen)

1/8 tsk cayenne pipar

1 tsk salt

3 msk ólífuolía

Hellið vökvanum af kjúklingabaunum í skál og geymið. Takið nokkrar kjúklingabaunir frá til skrauts. Setjið öll hráefnin fyrir hummusinn í matvinnsluvél og maukið. Bætið nokkrum matskeiðum af vökvanum saman við til að þynna en ekki of mikið. Smakkið til með kryddum.

220 g fetaostur, hreinn

120 ml sýrður rjómi

120 ml majones

1 tsk sítrónubörkur, fínrifinn

1 hvítlauksrif, saxað

1/4 tsk dill, þurrkað

1/4 tsk oregano

1/4 tsk timían

1/8 tsk salt

1/4 tsk svartur pipar

1/8 tsk chilíflögur

Setjið öll hráefnin í matvinnsluvél og blandið þar til mjúkt. Smakkið til að eigin smekk. Setjið í skál og dreypið ólífuolíu yfir og chilíflögum.