Lambaspjót undir grískum áhrifum

Lambagrillspjót í hvítlauks og rósmarínkryddlegi frá Norðlenska

Takið kjötið úr pakkningunni, þerrið og látið standa við stofuhita í 10 mínútur. Grillið í 3-5 mínútur á hvorri hlið. Ég miða við eitt til tvö spjót á mann en það eru tvö spjót í hverri pakkningu.

190 g bulgur

1 1/2 tsk salt

1/4 rauðlaukur, saxaður smátt

60 ml ólífuolía

safi úr 2 sítrónum

1 hvítlauksrif, pressað

1 tsk cumin

1 tsk sykur

svartur pipar

1 paprika, smátt skorin

1/2 agúrka, smátt skorin

1/4 búnt steinselja, smátt söxuð

1 dós kjúklingabaunir

Látið bulgur í skál. Hitið vatn og látið sjóða. Hellið yfir bulgurnar og látið lok eða klút yfir. Látið standa í 15 mínútur eða þar til þær eru farnar að mýkjast. Hellið afgangs vatni frá. Hrærið ólífuolíu, sítrónusafa, hvítlauksrifi, cumin, salti og pipar saman í skál og setjið saman við bulgurnar ásamt grænmetinu. Berið fram með spjótunum.

280 g grísk jógúrt

1/2 búnt fersk mynta, smátt söxuð

2 hvítlauksrif, pressuð

1 msk sítrónusafi

1/2 tsk cumin

1/4 tsk cayenne pipar

salt og pipar

Blandið öllu saman í skál. Látið í kæli í 30 mínútur áður en borið fram.