Ofnbakaður lax með indverskum kryddhjúp

Feb 20, 201919/07/20190 1042

Með Kínóatríói og hunangs habanero sósu.

by Avistain 30 mínútna réttir, Asía, Bloggarar, fiskréttir, fiskur, Kvöldmatur, Valla

Tilbúið

30 mín

Erfiðleiki

Auðvelt

Innihaldslýsing

	4 laxasteikur að meðalstærð
	4 msk Pataks mild curry paste
	4 msk rjómi
	1/4 dl möndlur

Kínóa með kúrbít, kókos og rúsínum

2 dl kínóa

4 dl vatn

hálfur kúrbítur

1 geiralaus hvítlaukur

4 cm engifer

2 skallott laukar

2 lúkur ristaðar kókosflogur

1 dl rúsínur

2 tsk cummin eða broddkúmen

1 tsk túrmerik

salt og pipar eftir smekk

2 msk bragðlaus kókosolía

Setjið kínóa í pott ásamt vatni og leyfið suðunni að koma upp. Sjóðið á lágum hita í 15 - 20 mín. Saxið kúrbítinn í litla bita og saxið hvítlauk, engifer og skallottlaukinn smátt. Setjið kókosolíu á pönnu og steikið grænmetið á pönnunni en varist að hafa hitann of háan. Setjið kryddið út á grænmetið og bætið við 1/2 dl af vatni ef þarf. Þegar kínóað er tilbúið skellið því þá á pönnuna og setjið kókosflögur og rúsínur saman við. Saltið eftir smekk.

Hunangs habanero sósa

1 dós sýrður rjómi með Habanero frá Mjólku

1 tsk fljótandi hunang

1 tsk dijon sinnep

Hrærið öllu saman í skál og berið fram með laxinum og kínóatríóinu.

Einfaldur, næringarríkur og bragðgóður réttur sem tekur enga stund að græja.

Leiðbeiningar

1.	Skolið laxinn og þerrið með pappír. Smyrijð eldfast form með olíu og leggið laxinn í fatið með roðið niður.
2.	Blandið saman curry paste og rjóma og smyrjið á laxasteikurnar
3.	Saxið möndlur og dreyfið yfir laxinn.
4.	Ofnbakið við 180°C í 15-20 mín. Eftir því hvernig þið viljið laxinn bakaðan.