Ofnbökuð Tikka masala ýsa með rauðlauk og tómötum

Sep 29, 202229/09/20223 1973

Einfaldur og fljótlegur kvöldverður í miðri viku

Ofnbökuð Tikka masala ýsa með rauðlauk og tómötum

by Avistain fiskréttir, fiskur, Fljótlegt, Indland, Kvöldmatur, Sósur, uppskrift, Valla

Undirbúningur

10 mín

Eldun

25-30 mín

Tilbúið

35-40 mín

Erfiðleiki

Einfalt

Innihaldslýsing

Erum við ekki alltaf að reyna að finna eitthvað í kvöldmatinn sem er bæði einfalt og fljótlegt. Þessi fiskréttur er nefnilega hvorutveggja og alveg hrikalega góður. Það tekur enga stund að skella saman hráefnunum og svo eldar þetta sig eiginlega sjálft. Tilbúnu sósurnar frá Patak‘s eru auðvitað algjör snilld þegar við þurfum aðeins að stytta...

Leiðbeiningar

1.	Hitið ofninn í 200°C
2.	Skerið fiskinn í bita, smyrjið ofnfast mót í minni kantinum með olíu og leggið bitana þétt í formið. Saltið og piprið.
3.	Skerið laukinn í tvennt og svo í þunnar sneiðar. Saxið hvítlauksrifin. Steikið á pönnu við vægan hita þar til laukurinn er orðinn mjúkur.
4.	Dreifið lauknum yfir fiskinn og hellið sósunni yfir. Skerið tómatana í sneiðar og leggið yfir sósuna.
5.	Bakið í 25-30 mín. Berið fram með hrísgrjónum og naan brauði.

Erum við ekki alltaf að reyna að finna eitthvað í kvöldmatinn sem er bæði einfalt og fljótlegt. Þessi fiskréttur er nefnilega hvorutveggja og alveg hrikalega góður. Það tekur enga stund að skella saman hráefnunum og svo eldar þetta sig eiginlega sjálft. Tilbúnu sósurnar frá Patak‘s eru auðvitað algjör snilld þegar við þurfum aðeins að stytta okkur leið í eldamennskunni svo ég tali nú ekki um að hafa naan brauðið með.

Það er auðvitað klassískt að hafa kjúkling með Tikka Masala en að hafa fisk eða grænmeti er ekkert síðra og er létt og gott í maga.

	1 msk olía
	3 lítil ýsuflök eða 2 stærri
	1 rauðlaukur
	2 hvítlauksrif
	1 krukka Tikka Masala sósa frá Patak’s
	2 tómatar
	Salt og pipar
	2 Naan brauð með kóríander og hvítlauk frá Patak‘s