Pad Thai með risarækjum að hætti innfæddra

Dec 01, 202101/12/20214 1802

	3 msk olía
	1/2 laukur
	3 hvítlauksrif, söxuð smátt
	1 pakki risarækjur frá Sælkerafiski
	2 egg
	1 bolli baunaspírur
	límónur
	1/4 bolli salthnetur
	Sósa:
	1 1/2 msk tamarind mauk (eða tómatsósa)
	3 msk púðursykur
	2 msk Blue dragon fiskisósa (fish sauce)
	1 1/2 msk Blue dragon ostrusósa
	Annað:
	125 g hrísgrjónanúðlur
	chilíflögur

1.	Sjóðið núðlur skv. leiðbeiningu á pakkningu. Takið úr potti og setjið í sigti. Kælið með köldu vatni.
2.	Blandið hráefnum fyrir sósuna saman í skál.
3.	Hitið olíu á pönnu og steikið lauk og hvítlauk í 30 sek.
4.	Bætið risarækjum út á pönnuna og steikið í um 1 mínútur.
5.	Ýtið öllu af pönnunni til hliðar og látið eggin út á pönnuna. Hrærið stöðugt í þeim meðan þau eldast.
6.	Blandið þá öllu á pönnunni saman og bætið baunaspírum, núðlum og sósu.
7.	Blandið vel saman 1 mínútu.
8.	Látið vorlauk og helming af smátt söxuðum salthnetum saman við allt. Veltið öllu saman og takið af hitanum.
9.	Látið á disk og stráið salthnetum yfir og berið fram með límónusneiðum.