Poke skál með marineruðum laxi, edamame baunum og chili mæjó

Sep 21, 202221/09/20223 1772

Ferskur og skemmtilegur kvöldverður

Poke skál með marineruðum laxi, edamame baunum og chili mæjó

by Avistain Asía, fiskréttir, fiskur, Forréttur, Hádegismatur, Hollt, Kvöldmatur, Valla

Undirbúningur

1 klst

Eldun

30 mín

Tilbúið

90 mín

Erfiðleiki

Miðlungs

Innihaldslýsing

Sushi hrísgrjón

2 bollar sushi hrísgrjón frá Blue dragon

2 bollar vatn

1/4 bolli hrísgrjónaedik frá Blue dragon

4 tsk sykur

1/2 tsk sjávarsalt

Setjið ósoðin hrísgrjón í sigti og skolið undir köldu vatni þar til vatnið verður tært. Setjið hrísgrjónin í pott ásamt köldu vatni og leggið í bleyti í 30 mín.

Látið vatnið renna af hrísgrjónunum og setjið 2 bolla af vatni í pottinn og setjið á hellu og kveikið undir. Þegar grjónin fara að sjóða lækkið undir þeim niður í lægsta hita og sjóðið í 15 mín. Varist að opna pottinn á meðan. Slökkvið undir og látið hrísgrjónin bíða í 15 mín án þess að taka lokið af.

Setjið hrísgrjónaedik, sykur og salt í litla skál og hitið í örbylgjuofni þar til sykurinn er uppleystur. Hellið yfir tilbúin hrísgrjónin og veltið þeim fram og til baka þar til edikið hefur dreifst um þau.

Marinering á laxinn

1 hvítlauksrif marið

1 tsk rifið ferskt engifer

2 msk mírin

2 msk sojasósa

Safi úr 1 sítrónu

1 msk sesamolía

1 msk hrísgrjónaedik frá Blue dragon

2 vorlaukar, græni hlutinn fínt saxaður

Blandið öllu saman í skál. Setjið laxabitana í skál og hellið maríneringunni yfir. Látið marínerast í kæli í 40 mín.

Chili mæjó

1 dl majónes

1 msk sriracha sósa

Hrærið saman og setjið yfir skálina.

Poke skálar eru upprunalega frá Hawaii en þær eiga það til að blandast saman við japanska matargerð líkt og sushi. Poke er í raun hrár fiskur skorinn í bita og maríneraður en það þekkist einnig að hafa annað prótín í skálunum. Það er hægt að setja saman sína skál eftir eigin hentisemi og þetta er...

Leiðbeiningar

1.	Skerið grænmetið, snöggsjóðið edamame baunir og útbúið chili mæjó.
2.	Útbúið maríneringuna á laxinn. Skerið laxinn í teninga og hellið maríneringunni yfir. Setjið í kæli.
3.	Setjið sushi hrísgrjón eftir smekk í skálar, toppið með laxi, grænmeti, baunum og toppið með chili mæjó.

Poke skálar eru upprunalega frá Hawaii en þær eiga það til að blandast saman við japanska matargerð líkt og sushi. Poke er í raun hrár fiskur skorinn í bita og maríneraður en það þekkist einnig að hafa annað prótín í skálunum. Það er hægt að setja saman sína skál eftir eigin hentisemi og þetta er mín útgáfa sem ég deili með ykkur. Sítrónusafinn í maríneringunni veldur því að laxinn eldast í rauninni án þess að nota hita líkt og við ceviche gerð. Það er smá dútl í kringum þetta en sannarlega þess virði.

	1 skammtur sushi hrísgrjón, uppskrift fylgir
	250g marineraður ferskur lax, skorinn í litla teninga
	Agúrka í þunnum sneiðum
	Avocado í sneiðum
	Edamame baunir
	Gulrót skorin í þunnar sneiðar
	Kasjúhnetur
	Chili majó