Risarækjur með steiktu grænmeti í soja-chilísósu

1.	Skerið grænmetið niður.
2.	Hitið olíu á pönnu og steikið grænmetið í stutta stund við háan hita. Bætið soya- og chilísósunni saman við. Takið af pönnunni og geymið.
3.	Setjið olíu á pönnuna og steikið hvítlauk, chilí og risarækjurnar saman í 1-2 mínútur.
4.	Bætið grænmetisblöndunni saman við og hitið saman í 1 mínútur. Bætið furuhnetum saman við.
5.	Mér finnst gott að bera réttinn fram með steiktum hrísgrjónum. Þá sýð ég hrísgrjón og læt 2-3 egg á pönnu og hræri þeim saman. Bæti svo hrísgrjónunum saman við og hita saman í 1-2 mínútur. En einnig hægt að bera réttinn fram með fersku salati.

	2 pakkar af risarækju frá Sælkerafiski
	1 rautt chilí
	3 hvítlauksrif
	1/2 púrrulaukur
	1/2-1 pakki sykurbaunir
	10 sveppir
	2 msk soyasósa frá Blue dragon
	1 msk sweet chilísósa frá Blue dragon
	2 msk ólífuolía
	furuhnetur
	salt og pipar