Tandoori risarækjur – hinn fullkomni smáréttur

Jul 22, 201922/07/20191 977

by Avistain Forréttur, Grill, Kvöldmatur

Innihaldslýsing

	2 pakkar risarækjur, frá Sælkerafiski
	2 msk sítrónusafi
	1 tsk sjávarsalt
	4 msk smjör, brætt

Tandoori marinering

200 g grísk jógúrt

3 hvítlauksrif, smátt saxað

3 cm engiferbútur, rifinn

2 tsk chilíduft

1 tsk paprikuduft

1 tsk Garam masala

1 tsk timían

Fyrir 4

Leiðbeiningar

1.	Þerrið rækjurnar og setjið í skál með sítrónusafa og sjávarsalti. Geymið í 20 mínútur.
2.	Blandið hráefnum fyrir marineringuna saman í skál og látið risarækjurnar saman við. Marinerið í kæli í 2 klst.
3.	Þræðið risarækjurnar upp á grillteina og grillið í um 3-4 mínútur á hvorri hlið. Penslið báðar hliðar með smjöri á grilltímanum.
4.	Berið fram með salati og sítrónubátum.

Risarækjur eru hinn besti matur, hollur og léttur í maga. Hægt er að elda risarækjurnar á ótalvegu og ætli þekktasta aðferðin sé ekki sú spænska þar sem olía og hvítlaukur eru settar á pönnu og hitað við háan hita og síðan er risarækjunum bætt saman við og steinselju stráð yfir. Með þessu er svo borið baquette brauð sem er dýft í olíuna. Algjört lostæti.

Í þessari uppskrift hverfum við til Indlands. Þar væru þær eldaðar í tandoori ofni en ætli við látum ekki grillið duga hér heima.