Hátíðlegt triffli með piparmyntusúkkulaði

Dec 28, 201928/12/20190 943

1.	Skerið svambotninn í bita og setjið um 1/3 í botninn á skál. Dreypið smá sherrýi yfir.
2.	Hitið 1 dl af rjómanum og bætið 150 g af súkkulaðinu saman við og bræðið. Látið rjómann ekki sjóða. Kælið síðan blönduna lítillega.
3.	Setjið rjómaost, vanilludropa og kaffi saman í skál og hrærið. Hellið súkkulaðirjómanum saman við og hrærið áfram.
4.	Hellið smá hluta af rjómaosta-súkkulaðiblöndunni yfir svampbotninn í skálinni.
5.	Setjið smá af söxuðu piparmyntusúkkulaði yfir og endurtakið síðan. Svambotn, sherrý, rjómaosta-súkkulaðiblandan og saxað piparmyntusúkkulaði. Þar til allt er búið.
6.	Þeytið afganginn af rjómanum í skál og skreytið triffli með því að sprauta rjómanum þar yfir.
7.	Endið á söxuðu súkkulaði.
8.	Geymið í kæli í nokkra klst áður en það er borið fram.

Þessi færsla er unnin í samstarfi við Örnu.

	1-2 svampbotnar
	3-5 msk sherrý
	300 g súkkulaði með piparmyntufyllingu
	500 ml 36 % rjómi frá Örnu
	150 g rjómaostur
	3 msk sterkt kaffi
	1 tsk vanilludropar