Andalæri með hvítlauks aioli og vinagrette salati

2 dós (2 læri í dós) Confit de canard frá Valette

Takið andalærin úr dósinni og sem minnst af fitunni með. Leggið í ofnfast mót. Saltið með sjávarsalti og látið í 180°c heitan ofn í 30-40 mínútur. Mér fnnst gott að láta á grill síðustu 1-2 mínútur til að fitan verði stökk. Berið fram t.d. með aioli, vinagrette salati og frönskum.

2 eggjarauður

hnífsoddur salt

1 tsk dijonsinnep

1 1/2 dl ólífuolía, t.d. jómfrúarolía frá Filippo Berio

1 hvítlauksrif, pressað

Hærið eggjarauðurnar þar til þær eru orðnar léttar og ljósar. Setjið salt saman við. Bætið sinnepi saman við og hrærið áfram. Á meðan verið er að hræra hellið þið olíunni smátt og smátt saman við. Bætið að lokum hvítlauknum saman við og hrærið saman.

2 msk hunang

1 msk dijon sinnep

1/2 tsk sjávarsalt

1/2 tsk svartur pipar

1-2 hvítlauksrif, pressað

60 ml balsamik edik

180 ml ólífuolía

2 pokar salat

Hrærið saman hunang, sinnep, balsamik, salt og pipar. Bætið oliunni rólega saman við og hrærið stöðugt á meðan. Hrærið þar til dressingin hefur blandast vel saman. Geymið í kæli og hristið fyrir notkun. Veltið salatinu upp úr 2-3 msk af dressingunni fyrir matinn. Berið dressinguna með til hliðar.