Fandoori fiskréttur með kókoshrísgrjónum, naan brauði og rajita jógúrtsósu

Jan 13, 202113/01/20213 1227

by Avistain 30 mínútna réttir, fiskréttir, fiskur, Fljótlegt, Kvöldmatur

Tilbúið

45 mínútur

Erfiðleiki

Einfalt

Innihaldslýsing

	800 g þorskur (eða hvítur fiskur að eigin vali)
	2 dl hrein jógúrt
	6-7 msk tandoori mauk
	1 1/2 msk agave síróp
	svartur pipar
	Hrærið öllum hráefnunum, að fisknum undanskildum, saman í skál. Hellið marineringunni yfir fiskinn og látið marinerast í að minnsta kosti 30 mínútur (má gera kvöldinu áður). Takið fiskinn úr marineringunni og setjið í ofnfast mót. Eldið í 210°c heitum ofni í um 10 mínútur en látið ofninn á grill síðustu 2 mínúturnar. Berið fram með hrísgrjónum, naan brauði og rajita sósu.

Kókoshrísgrjón

400 g jasmine hrísgrjón

480 ml kókosmjólk

420 ml vatn

2 msk kókosmjöl

½ tsk kókosolía (eða önnur olía)

½ tsk salt

Smyrjið botninn á potti með olíu. Setjið hrísgrjónin, kókosmjólk, vatn og kókosmjöl í pottinn. Hitið að suðu og hrærið reglulega í pottinum. Þegar suðan er komin upp, hættið að hræra, lækkið hitann og setjið lok á pottinn. Látið malla í 15-20 mínútur. Hrærið þá í hrísgrjónunum með gaffli og verið viss um að mesti vökvinn sé farinn. Setjið lokið aftur á pottinn, slökkvið á hitanum og látið standa í 5-10 mínútur áður en þau eru borin fram.

Raita sósa

20 cm agúrka, skorin í litla teninga

1 gulrót, skorin í litla teninga

2 tómatar, kjarnhreinsaðir og saxaðir

1 rauðlaukur, fínsaxaður

5-6 dl hrein jógúrt

2 msk ferskt koriander

½ tsk cumin (ath ekki kúmen)

¼ tsk paprikuduft

Blandið öllu saman í skál. Geymið í kæli.

Fljótlegt naan

150 g hveiti

1 tsk sykur

1 tsk lyftiduft

3 msk hrein jógúrt

Blandið hveiti, sykri og lyftidufti saman í skál. Bætið út í jógúrtinni. Ef þarf má bæta við örlitlu vatni. 2. Skiptið deiginu í 4 kúlur og fletjið þær út. Steikið á pönnu.

Fyrir 4

Var áramótaheitið kannski að hafa fisk oftar í matinn?

Fiskur er hollur matur sem hægt er að elda á marga vegu. Hann hentar bæði sem hversdagsmatur en er einnig hinn fullkomni
helgarmatur. Það er gaman að prufa sig áfram með góða fiskrétti og hvet ég ykkur til að prufa að elda eitthvað nýtt reglega. Þið getið til dæmis farið á vefsíðuna Fisk í matinn þar sem hægt er að finna flotta fiskrétti sem bræða hjörtu heimilismanna.

#samstarf