Á dögunum fékk ég að gjöf fjölsuðupott frá Ninja. Sem er ekki í frásögur færandi nema hvað að ég hef sjaldan notað eitt heimilistæki eins mikið og þetta. Þessi pottur sameinar nokkur tæki og það er ansi fátt sem er ekki hægt að gera í honum. Reyndar eru þetta í heild 8 stillingar og hægt er að gera eftirfarandi:
- Þrýstisuða (Pressure cooker): Hér er hægt að elda hratt án þess að tapa bragðgæðum eða vökva
- Gufusuða: Eldað á hærra hitastigi án þess að tapa vítamínum, steinefnum eða gefa afslátt af bragði. Hér er einnig hægt að gera heimagert jógúrt.
- Hægelda (Slow cooker): Hægsuða í lengri tíma – fullkomið fyrir allskyns kássur, pottrétti, súpur, rif ofl.
- Steiking: Eins og þú værir að brúna kjöt eða grænmeti á pönnu
- Air crisp: Funheitur blástur og kemur í stað airfryer – “Djúpsteiking” án þess að nota olíu eða mjög lítil olía notuð, fullkomið fyrir kartöflur, franskar og kjúkling t.d
- Grill: Hátt hitastig og karamelliseríng
- Bökun/ofnsteiking: Hægt að baka brauð, kökur ofl.
- Þurrkofn: Hér er hægt að þurrka ávexti, grænmeti og kjöt.
Það tæki mig margar vikur að prófa allar stillingarnar til hins ítrasta en í uppskriftinni hér nota ég þrýstisuðuna og grillið. Ég hef prófað mig áfram með nokkrar stillingar og ég verð að segja að ég er í hálfgerðu sjokki yfir þessari snilld sem þessi pottur er. Ég elda heilan kjúkling á met tíma, innan við klukkutíma sem er mikill munur auk þess sem ég sýð villihrísgrjón í 20 mín í stað 45 mín áður. Franskar koma þvílíkt krispí og næs úr pottinum en einnig venjulegar kartöflur sem og sætar.
Mig langar að prófa næst að gera grjónagraut, beef bourguignon, kjötsúpu, kjúklingaborgara, bananabrauð… já og ég veit ekki hvað og hvað.
Það virðast vera endalausir möguleikar í þessum potti og miðað það sem hann býður upp á finnst mér verðið bara sanngjarnt. Hér getið þið skoðað pottinn á heimasíðu Elko: https://elko.is/ninja-foodi-fjolsu-upottur-7-5-litra-op500eu
Leave a Reply