Matarmenn flottir!
Íslenska lamabakjötið er virkilega það besta í heimi og við Íslendingar getum verið stoltir af því. Það er ótrulega meyrt og bragðið er milt. Hreinlega matvæli sem maður verður að bera virðingu fyrir. Partur sem við ætlum að nota er kallaður Kóróna og má einnig kalla Rolls Royce lambsins. Hvað er svona sérstakt við þennan part spyrðu? Lamba kóróna er gamla góða fille-ið nema á beini. Trúið okkur þegar við segjum það en kjöt á beini er alltaf betra. Það sem beinin gera er að þau hjálpa kjötinu að varðveita safan betur og hæga eldunartíman.
Í þessari uppskrift ætlum við að blanda saman ferskum ilmandi basil laufum, parmesan, lambakórónu ásamt mörgum öðrum hráefnum í eina stórkostlega upplifun, að sjálfsögðu má vel leika sér með hráefnin sem fara úti raspið. Með því ætlum við að hafa smjörsteikar rauðar kartöflur með hvítlauk og fersku rósmarín. Fullkomnum svo diskinn með bragðmikillri rauðvínssósu með innblæstri frá Ramsey.
Gott er að hafa í huga: medium-rear 50°-54°, medium 54°-58°, well-done 58°-70°. Reglan er að eftir að kjötið er tekið úr ofninum heldur kjarnhitinn áfram að hækka í um 4% af hitastigi ofnsins. T.d. ef ofninn er í 200° þegar kjötið er tekið út má gera ráð fyrir að kjarnhitin muni hækka um 8°.
MIKILVÆGT: gefið kjötinu tækifæri til að hvíla. Þumalputta reglan sem sumir kokkar fara eftir er 1mínúta hvíld fyrir hver 100gr af kjöti, en þó aldrei minna en 3 mínútur. Færið það af hitanum á skruðabretti eða disk og breiðið léttilega yfir með álpappir. Ekki loka alveg og alls ekki þrýsta á kjötið.
Leave a Reply