Súkkulaðikakan sem allir elska - auðveldari en Betty

Þessi súkkulaðikaka er grunnur fyrir allan súkkulaðiköku bakstur á mínu heimili, fullkomin sem skúffukaka, súkkulaðiterta, cupcakes o.fl.

	2 bollar Kornax hveiti
	1 b. sykur
	1/2 b. púðursykur
	1/3 b. dökkt kakó
	1/2 tsk matarsódi
	2 tsk lyftiduft
	1 tsk salt
	2 stór egg
	1 b. súrmjólk eða AB mjólk
	3/4 b. jurtaolía
	2 tsk vanilludropar eða extract
	1/2 b. sjóðandi vatn
	....
	Tryllingslega gott súkkulaðikrem
	110g suðusúkkulaði
	85g smjör
	250g sigtaður flórsykur
	2 msk kakó sigtað
	2 msk mjólk

1.	Hitið ofninn í 175°C
2.	Sækið stóra skál og sleif
3.	Setjið öll þurrefni í skálina og hrærið með sleifinni
4.	Setjið því næst, egg, olíu, súrmjólk og vanilludropa út í og hrærið aðeins saman
5.	Að lokum setjið þið sjóðandi vatn saman við og hrærið.
6.	Þessi uppskrift nægir í tvo kringlótta botna ca. 24cm, eina skúffuköku ( í skúffukökuform) og ca. 16 bollakökur. Bakið skúffukökur í ca. 30 mín. Kringlótta botna í 25 mín og bollakökur í ca. 20 mín. Fer alltaf eftir ofnum og gott að fylgjast vel með.
7.	Þið getið notað allskonar krem, glassúra ofl.
8.	Súkkulaðikrem aðferð:
9.	Bræðið saman súkkulaði og smjör í örbylgjunni
10.	Látið hitann rjúka úr að mestu
11.	Setjið blönduna í skál og sigtið kakó og flórsykur út í.
12.	Bætið mjólk varlega saman við og þeytið vel.
13.	Smyrjið á kalda kökuna og skreytið eftir smekk

Súkkulaðikakan sem allir elska – auðveldari en Betty