Vatnsdeigsbollur með Oreo rjóma og Milka súkkulaðiglassúr

100 g smjör

2 dl vatn

2 dl hveiti

2 egg

Látið smjör og vatn saman í pott hitið þar til blandan er byrjuð að sjóða. Takið þá pottinn af hellunni og bætið hveiti saman við og hrærið þar til myndast hefur deigkúla. Setjið deigið í hrærivél og látið á minnsta hraðann, svo mesti hitinn fari úr deiginu. Á meðan látið þið eggin saman í skál og léttþeytið. Hellið þeim svo smá og smá út í deigblönduna á lágum hraða. Notið 2 matskeiðar til að móta ca. 8-10 bollur. Látið á ofnplötu með smjörpappír og setjið inn í ofn á 180°c á blæstri í 20-25 mín og opnið ekki ofninn fyrr en að þeim tíma liðnum.

5 dl rjómi, þeyttur

1 box Philadelphia rjómaostur

1 dl púðursykur

1 tsk vanillusykur

10 Oreo kex, mulin

Setjið rjóma, rjómaost, púðursykur og vanillu saman í skál og hrærið saman þar til blandan er orðin létt í sér. Bætið muldu Oreo saman við með sleif. Látið fyllinguna í bolluna.

200 g milka súkkulaði

2 msk síróp

2 msk rjómi

Bræðið allt saman í potti. Kælið lítillega og setjið yfir bollurnar.