| 2 msk ólífuolía | |
| 2 msk balsamedik | |
| 3 hvítlauksrif söxuð | |
| 20cm bútur af blaðlauk, saxaður | |
| 1 lítið rauðkálshöfuð, sneitt mjög fínt | |
| 1 grænt epli, smátt saxað | |
| 200g ostakubbur frá Gott í matinn | |
| 150g ristaðar kasjúhnetur | |
| Salt og pipar eftir smekk | |
| Fersk steinselja |
| 1. | Byrjið á því að saxa lauk, rauðkál og epli. Ristið kasjúhneturnar á þurri pönnu þar til þær eru orðnar vel gylltar. Setjið til hliðar. |
| 2. | Hitið olíu og edik saman á pönnu og bætið hvítlauk út á. Steikið hvítlaukinn í 1 mín við meðalhita, gætið þess að brenna hann ekki. |
| 3. | Setjið blaðlaukinn út á pönnuna og steikið með hvítlauknum í smástund. Bætið þá söxuðu rauðkálinu og eplinu saman við. Steikið á pönnunni við vægan til meðalhita í 30 mín eða þar til rauðkálið hefur mýkst vel en ennþá stökkt inní. |
| 4. | Myljið ostakubbinn yfir rauðkálið og hellið hnetunum út á. Blandið saman á pönnunni og setjið í fallega skál. |
| 5. | Berið fram með hverju sem ykkur dettur í hug, fer sérlega vel með hvers kyns hátíðarmat, líkt og kalkún, lambi eða andabringum. |
Nú þegar líður að jólum með öllum sínum dásamlegu matarboðum er ekki úr vegi að bjóða upp á uppskrift að alveg stórkostlegu meðlæti. Þetta salat er í senn sparilegt, fallegt og næringarríkt. Ostakubburinn frá Gott í matinn fer svo vel með fersku salatinu, sætunni í eplinu og stökkum kasjúhnetunum. Þetta er ríflegt magn og hentar því vel í stærri boð en það má sannarlega geyma það í kæli og hita upp ef það verða afgangar af því.
This site uses Akismet to reduce spam. Learn how your comment data is processed.
Leave a Reply