Grillaðar tandoori risarækjur með kaldri kóríandersósu

Jun 21, 202221/06/20222 1112

Fljótlegasti forréttur sem fyrirfinnst

Grillaðar tandoori risarækjur með kaldri kóríandersósu

by Avistain 30 mínútna réttir, fiskréttir, fiskur, Fljótlegt, Forréttur, Grill, Hádegismatur, Hollt, Indland, Kvöldmatur, Partý, Snarl, Sósur, uppskrift, Valla

Undirbúningur

1 klst (marineringartími)

Eldun

5 mín

Tilbúið

10 mín

Erfiðleiki

Einfalt

Innihaldslýsing

	1 poki risarækjur hráar, um 450g.
	1 dl grísk jógúrt
	1 dl Tandoori spice marinade frá Patak‘s
	Nokkur bambus grillspjót

Köld kóríander dressing

1 dl grísk jógúrt

5-6 greinar af ferskum kóríander, notum bara laufin

1 msk ferskur lime safi

Salt og pipar eftir smekk

Setjið öll innihaldsefni í dressinguna í lítinn blandara eða nutri bullet og mixið vel saman.

Þessi réttur er alveg einstaklega einfaldur og örfá innihaldsefni sem þarf. Einungis þarf að gera ráð fyrir tíma fyrir marineringuna en þess utan tekur rétturinn bara örfáar mínútur að verða tilbúinn. Það er snjallt að bjóða upp á þessar rækjur sem forrétt og það er sérlega auðvelt að margfalda uppskriftina og bjóða upp á fyrir...

Leiðbeiningar

1.	Setjið frosnar rækjurnar í sigti og affrystið undir volgri vatnsbunu. Kreistið vatnið úr.
2.	Setjið jógúrt og Tandoori mauk í miðlungsstóra skál og hrærið saman. Setjið rækjurnar út í og veltið upp úr marineringunni. Setjið plastfilmu yfir skálina og setjið hana í kæli. Marinerið í að minnsta kosti 1 klst en allt upp í 1 sólarhring.
3.	Það er best að leggja bambus grillspjótin í bleyti í svona 15 mín áður en rækjurnar eru þræddar upp á þau. Ég set 6-7 rækjur á hvert.
4.	Hitið grillið vel upp og grillið spjótin í nokkrar mínútur, þau taka enga stund á grillinu, fylgist bara vel með.
5.	Berið grillaðar rækjurnar fram með dressingunni.

Þessi réttur er alveg einstaklega einfaldur og örfá innihaldsefni sem þarf. Einungis þarf að gera ráð fyrir tíma fyrir marineringuna en þess utan tekur rétturinn bara örfáar mínútur að verða tilbúinn. Það er snjallt að bjóða upp á þessar rækjur sem forrétt og það er sérlega auðvelt að margfalda uppskriftina og bjóða upp á fyrir stærri hóp. Tandoori marineringin frá Patak‘s leikur hér stórt hlutverk enda dásamleg þegar við þurfum aðeins að stytta okkur leið í indverskri eldamennsku.