Lamba shawarma veisla

Oct 02, 201921/10/20192 1049

by Avistain Jól, Kvöldmatur, Lambakjöt, Meðlæti

Tilbúið

4 klst

Erfiðleiki

Miðlungs

Innihaldslýsing

	2 kg úrbeinað lambalæri
	500 ml vatn

Cous cous með rúsínum

1 ½ bolli cous cous

2 bollar heitt vatn

1 msk Oscar's grænmetiskraftur

¾ bolli rúsínur

Setjið grænmetiskraft út í heitt vatnið og bætið cous cous og rúsínum saman við. Setjið lok yfir og geymið í 10 mínútur. Takið lokið af hrærið lauslega í cous cousin með gafli. Bætið saxaðri steinselju og myntu saman við. Smakkið til með sítrónusafa, sítrónuberki, salti pipar og ólífuolíu.

Shawarma mauk

2-3 msk safi úr ferskri sítrónu

3 hvítlauksrif, pressað

1 msk kóríander

1 msk cumin (ath ekki kúmen)

1 msk kardamommukrydd

½ - 1 tsk cayenne pipar

2 tsk reykt paprikukrydd

1 ½ tsk salt

½ tsk svartur pipar

65 ml extra virgin ólífuolía, t.d. frá Philipo Berio

2-3 msk safi úr ferskri sítrónu

Jógúrtdressing með myntu

grísk jógúrt

ferskt myntublöð söxuð

Safi úr ferskri sítrónu

ólífuolía, t.d. frá Philipo Berio

hvítlauksrif

salt og pipar

Öllu blandað saman og sett í kæli í 30 mínútur.

Fyrir 4

Leiðbeiningar

1.	Hitið ofninn á 160 °c.
2.	Látið 2 msk af sítrónusafa í skál og bætið síðan afganginn af hráefnum fyrir maukið saman við.
3.	Setjið lambakjötið í ofnfast mót og nuddið maukinu vel inn í kjötið. Þetta er got að gera kvöldinu áður og leyfa því að marinerast yfir nótt. Ef þið hafið ekki tíma til þess sleppið þið því.
4.	Látið fituhliðina á kjötinu snúa upp og hellið vatni í ofnfasta mótið.Setjið álpappír yfir kjötið og eldið í um 3 klst.
5.	Takið af og til vökva úr mótinu og hellið yfir kjötið. Eftir 3 klst takið álpappírinn af. Kjötið ætti núna að vera orðið mjög mjúkt. Prufið að stinga í það með gaffli. Eldið í 30 mínútur til viðbótar. Takið úr mótinu og geymið vökvann. Kælið í 20 mínútur.
6.	Rífið niður og veltið upp úr vökvanum. Berið fram með sítrónu cous cous og stráið steinselju og fræjum yfir allt.